18 красавіка, Мінск / Кар. БЕЛТА /. Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Прэзідэнта Зімбабвэ Эмерсана Мнангагву і дружалюбны народ гэтай краіны з Днём Незалежнасці. Аб гэтым БЕЛТА паведамілі ў прэс-службе беларускага лідэра.
Кіраўнік дзяржавы адзначыў, што 44 гады таму Зімбабвэ скінула каланіяльныя ланцугі і набыла магчымасць самастойна праводзіць уласную знешнюю і ўнутраную палітыку, накіраваную на забеспячэнне ўстойлівага развіцця краіны і павышэнне якасці жыцця грамадзян. “Беларусь з задавальненнем назірае за паспяховымі дынамічнымі змяненнямі ў розных галінах эканомікі Зімбабвэ”, – гаворыцца ў віншаванні.
Прэзідэнт звярнуў увагу на важную ролю абмену візітамі на вышэйшым узроўні для ўмацавання двухбаковых кантактаў і выказаў надзею на хуткую сустрэчу з Эмерсанам Мнангагвай на гасціннай беларускай зямлі.
“Перакананы, практычная рэалізацыя дасягнутых раней дамоўленасцей і вынікі Вашага будучага візіту ў Беларусь пасадзейнічаюць нашаму стратэгічнаму партнёрству і плённаму ўзаемадзеянню, арыентаванаму на доўгатэрміновую перспектыву”, – падкрэсліў беларускі лідэр.
Аляксандр Лукашэнка пажадаў Эмерсану Мнангагве моцнага здароўя і поспехаў, а жыхарам Зімбабвэ – шчасця і дабрабыту.
Купіць білет онлайн