24 кастрычніка, Казань / Кар. БЕЛТА /. Прэзідэнт Беларусі Аляксандр Лукашэнка заявіў, што Беларусь стала партнёрам у БРІКС. Аб гэтым ён расказаў у інтэрв’ю выданню “Известия” на палях саміту ў Казані, перадае карэспандэнт БЕЛТА.
“Мы сталі партнёрамі – гэта абавязковая ступень перад уступленнем у гэты клуб”, – заявіў беларускі лідэр.
Аляксандр Лукашэнка ў інтэрв’ю расказаў, што яго крыху здзівіў той факт, што аб жаданні далучыцца да БРІКС заявілі каля 30 дзяржаў, а партнёрамі сталі крыху больш за 10 краін.
«Партнёрамі сталі 12 ці 13 дзяржаваў, у тым ліку Беларусь. А чаму не прымаюць у БРІКС іншыя дзяржавы? Аб чым БРІКС хацела б, перш чым прымаць іншыя дзяржавы, падумаць? – паставіў пытанне беларускі лідэр. – А чаму Турцыю не прыняць? Адзіны член НАТА, які праявіў цікавасць. Пры гэтым буйная краіна, эканоміка магутная. Чаму не прыняць? Не, не прынялі. Прыдумалі гэты «прылазнік» у выглядзе партнёра».
«Добра, гэта (статус партнёра. – Заўвага БЕЛТА) магчыма. Але мяне насцярожвае ў гэтым тое, каб бюракраты, якія робяць і прапануюць кіраўнікам дзяржаў гэтыя дакументы, не завалакіцілі ўсё. Каб бюракратычны апарат не знішчыў тыя пытанні, якія сёння стаяць перад дзяржавамі, якія ўваходзяць у склад БРІКС. Вось гэта мяне насцярожвае. Вось сабраліся, паказалі адзін аднаму, неяк выступілі і раз’ехаліся. А вынік?» – заўважыў беларускі лідэр.
Купіць білет онлайн