У суботу 7 сакавіка ў спартыўным комплексе “Раўбічы” на старт выйшлі тыя, каго часцей можна ўбачыць не на спартыўнай трасе, а ў кабінетах, на нарадах і дыпламатычных сустрэчах. Людзі, якія звыкнуліся працаваць з дакументамі, рашэннямі і дзяржаўнымі задачамі, на адзін дзень змянілі дзелавыя касцюмы на спартовую форму. Яны спаборнічалі ў біятлоннай эстафетнай гонцы зімовага спартыўнага свята “Мінская лыжня”.
Каманда Кіраўніцтва спраў Прэзідэнта Рэспублікі Беларусь на чале з першым намеснікам Кіраўніка спраў Мікалаем Шкрэдам на старт выйшла ў першай групе каманды вышэйшых органаў улады.
Усяго за перамогу на лыжні змагаліся больш за шэсцьдзесят каманд. Асобна была таксама праведзена “снежная эстафета”, у якой прабеглі чароўныя ўдзельніцы свята.
Перамогу ў эстафеце сярод каманд вышэйшых органаў улады атрымала каманда Мінскага гарадскога выканаўчага камітэта.
Каманда Кіраўніцтва спраў Прэзідэнта Рэспублікі Беларусь заваявала другое месца.
Тройку прызёраў замкнуў квартэт Віцебскага абласнога выканаўчага камітэта.
Купіць білет онлайн