Дзень інфармавання на тэму “Адукацыя і навука – рухаючыя сілы развіцця грамадства і дзяржавы”

Сёння на прадпрыемстве адбыўся дзень інфармавання на тэму “Адукацыя і навука – рухаючыя сілы развіцця грамадства і дзяржавы”.

Перад працоўным калектывам выступілі начальнік упраўлення дакументацыйнага забеспячэння і кантролю выканання даручэнняў – памочнік Кіраўніка спраў Прэзідэнта Рэспублікі Беларусь Баклагін Сяргей Дзмітрыевіч і доктар эканамічных навук, дацэнт, галоўны вучоны сакратар Нацыянальнай акадэміі навук Беларусі Гурскі Васіль Леанідавіч.

Размова ішла аб нацыянальнай сістэме адукацыі, стане і перспектывах развіцця айчыннай навукі, інавацыйных вытворчасцях, міжнародным навукова-тэхнічным супрацоўніцтве. 

Як падкрэсліў Гурскі В.Л., адукацыя, і навука ў нашай краіне ўваходзяць у лік прыярытэтных напрамкаў дзяржаўнай палітыкі. Гэтым пытанням на пастаяннай аснове ўдзяляецца пільная ўвага на самым высокім узроўні – пачынаючы з Прэзідэнта, які неаднаразова звяртаў увагу, што менавіта людзі і іх патэнцыял з’яўляюцца галоўнай каштоўнасцю краіны.

«Інвестыцыі ў навуку з’яўляюцца ключавой умовай эканамічнай стабільнасці і заможнасці любой дзяржавы. Мы ў гэтым не выключэнне. Час такі, што без рэальных дасягненняў у навуковай сферы рух наперад немагчымы», – сказаў Прэзідэнт на нарадзе па аналізе дзейнасці Нацыянальнай акадэміі навук Беларусі.

Асаблівая ўвага была ўдзелена рэалізацыі маштабных інавацыйных праектаў, накіраваных на будучыню. Прыведзены прыклады паспяховых распрацовак у галіне інфармацыйных тэхналогій, біятэхналогій і энергетыкі, якія не толькі ўмацоўваюць эканамічны патэнцыял Беларусі, але і павышаюць яе канкурэнтаздольнасць на сусветнай арэне. Падкрэсліў, што суверэнітэт Беларусі – гэта не толькі палітычная незалежнасць, але і эканамічная ўстойлівасць, якая залежыць ад кожнага грамадзяніна краіны.