Латарэя «Маладзёжная» з’яўляецца мясцовай, пасіўнай, тыражнай. Скарочаная назва латарэі для выкарыстання на латарэйным білеце, у рэкламных і іншых мэтах – латарэя “Маладзёжная”.
Латарэя праводзіцца на тэрыторыі горада Віцебска. Заснавальнікам латарэі выступае Віцебскі гарадскі выканаўчы камітэт.
Мэта правядзення латарэі – атрыманне дадатковых сродкаў для фінансавання мерапрыемстваў па набыцці спартыўнага адзення і абутку, абмундзіравання, спартыўнага і турыстычнага абсталявання, інвентару і экіпіроўкі для ўстаноў, падведамных аддзелам спорту і турызму, па адукацыі гарвыканкама, адміністрацый раёнаў горада Віцебска.
Розыгрышы прызавога фонду тыражоў латарэі праводзяцца не радзей як адзін раз у год. Прызавы фонд тыражу латарэі фарміруецца ў памеры не менш як 45 працэнтаў і не больш як 95 працэнтаў ад агульнага аб’ёму рэалізацыі латарэйных білетаў тыражу. У латарэі разыгрываюцца як грашовыя, так і маёмасныя выйгрышы.
Кошт латарэйнага білета — 3 беларускія рублі.
Розыгрыш прызавога фонду 18-га тыражу латарэі “Маладзёжная” – 30 мая 2025 года.
Купіць білет онлайн