Латарэя “Прынёманская”

Латарэя «Прынёманская»  з’яўляецца мясцовай, пасіўнай, тыражнай. Скарочаная назва латарэі для выкарыстання на латарэйным білеце, у рэкламных і іншых мэтах – латарэя «Прынёманская».

Латарэя праводзіцца на ўсёй тэрыторыі Рэспублікі Беларусь. Заснавальнікам латарэі выступае Гродзенскі абласны выканаўчы камітэт.
Мэтай правядзення латарэі з’яўляецца атрыманне сродкаў для накіравання на:

• развіццё матэрыяльна-тэхнічнай базы ўстановы адукацыі “Гродзенская дзяржаўная вучэльня алімпійскага рэзерву” і ўстановы “Гродзенскі дзяржаўны абласны цэнтр фізічнага выхавання і спорту навучэнцаў і студэнтаў”;
• ахову гісторыка-культурных каштоўнасцей, размешчаных на тэрыторыі Гродзенскай вобласці;
• фінансаванне іншых мэт, вызначаных часткай другой пункта 39 Палажэння аб парадку ажыццяўлення латарэйнай дзейнасці на тэрыторыі Рэспублікі Беларусь.

Розыгрышы прызавога фонду тыражоў латарэі праводзяцца не радзей як два разы на год. Прызавы фонд тыражу латарэі фарміруецца ў памеры не менш як 45 працэнтаў і не больш як 95 працэнтаў ад агульнага аб’ёму рэалізацыі латарэйных білетаў тыражу. У латарэі разыгрываюцца як грашовыя, так і маёмасныя выйгрышы.

Кошт латарэйнага білета — 3 беларускія рублі.

Розыгрыш прызавога фонду 36-га тыражу латарэі «Прынёманская» – 25 кастрычніка 2024 года. 

Розыгрыш прызавога фонду 37-га тыражу латарэі «Прынёманская» – 25 красавіка 2025 года.

Розыгрыш прызавога фонду 38-га тыражу латарэі “Прынёманская” – 31 кастрычніка 2025 года.