Пісьмовыя звароты

Парадак разгляду зваротаў грамадзян і юрыдычных асоб

Да кампетэнцыі РУП «Беларускія латарэі» адносіцца разгляд зваротаў грамадзян, у тым ліку індывідуальных прадпрымальнікаў, а таксама юрыдычных асоб (далей – звароты), па пытаннях:

            латарэйнай дзейнасці;

            ацэначнай дзейнасці;

            арэндных праваадносін.

Пісьмовыя звароты  падаюцца ў РУП “Беларускія латарэі” нарачным (кур’ерам), па пошце, у ходзе асабістага прыёму, шляхам унясення заўваг і (або) прапаноў у кнігу заўваг і прапаноў.

Пісьмовыя звароты грамадзян павінны змяшчаць:

• найменне прадпрыемства, куды звяртаецца грамадзянін;
• прозвішча, уласнае імя, імя па бацьку (калі такое маецца), або ініцыялы грамадзяніна, адрас яго месца жыхарства (месца знаходжання) і (або месцы працы (вучобы);
• выклад сутнасці звароту;
• асабісты подпіс грамадзяніна.

Пісьмовыя звароты юрыдычных асоб павінны змяшчаць:

• найменне прадпрыемства, куды звяртаецца юрыдычная асоба;
• поўнае найменне юрыдычнай асобы і яе месца знаходжання;
• выклад сутнасці звароту:
• прозвішча, уласнае імя, імя па бацьку (калі такое ёсць) кіраўніка, або асобы, упаўнаважанай ва ўстаноўленым парадку падпісваць звароты;
• асабісты подпіс кіраўніка, або асобы, упаўнаважанай ва ўстаноўленым парадку падпісваць звароты, завераны пячаткай юрыдычнай асобы.

Вусныя звароты  выкладаюцца падчас асабістага прыёму. Пры вусным звароце грамадзянін павінен прад’явіць дакумент, які пацвярджае яго асобу. Вусныя звароты лічацца разгледжаным па сутнасці, калі вырашаны ўсе выкладзеныя ў іх пытанні і адказы аб’яўлены заяўнікам падчас асабістага прыёму.

Звароты, якія паступілі, разглядаюцца службовымі асобамі
РУП «Беларускія латарэі», да кампетэнцыі якіх аднесена вырашэнне пытанняў, выкладзеных у звароце. Інфармацыю аб выканаўцах па звароце можна ўдакладніць па тэл. + 375 (17) 329-21-02.

Звароты, якія змяшчаюць пытанні, вырашэнне якіх не адносіцца да кампетэнцыі РУП «Беларускія латарэі», у пяцідзённы тэрмін з дня іх паступлення накіроўваюцца ў адпаведныя дзяржаўныя органы, іншыя арганізацыі (службовым асобам) для разгляду па сутнасці з апавяшчэннем аб гэтым заяўніка.

Звароты разглядаюцца не пазней за пятнаццаць дзён з дня іх рэгістрацыі ў РУП «Беларускія латарэі», а звароты, якія патрабуюць дадатковага вывучэння і праверкі, — не пазней за адзін месяц.

У выпадку, калі для вырашэння выкладзеных у звароце пытанняў неабходна атрыманне інфармацыі з замежнай дзяржавы, і (або) ад міжнароднай арганізацыі, месячны тэрмін разгляду звароту можа быць прадоўжаны з адначасовым апавяшчэннем аб гэтым заяўніка.

Пісьмовыя звароты  могуць быць пакінуты без разгляду па сутнасці, калі:

• пісьмовы зварот не адпавядае патрабаванням, устаноўленым пунктамі 1-6 артыкула 12 Закона Рэспублікі Беларусь “Аб зваротах грамадзян і юрыдычных асоб”;
• звароты падлягаюць разгляду ў адпаведнасці з заканадаўствам аб канстытуцыйным судаводстве, грамадзянскім, грамадзянскім працэсуальным, гаспадарчым працэсуальным, крымінальна-працэсуальным заканадаўствам, заканадаўствам, якое вызначае парадак адміністрацыйнага працэсу, заканадаўствам аб адміністрацыйных працэдурах;
• звароты змяшчаюць пытанні, вырашэнне якіх не адносіцца да кампетэнцыі РУП «Беларускія латарэі»;
• заяўнікам пададзены паўторны зварот, калі ён ужо быў разгледжаны па сутнасці і ў ім не змяшчаюцца новыя абставіны, якія маюць значэнне для разгляду звароту па сутнасці;
• з заяўнікам спынена перапіска па выкладзеных у звароце пытаннях.

Вусныя звароты   могуць быць пакінуты без разгляду па сутнасці, калі:

• не прад’яўлены дакументы, якія пацвярджаюць асобу заяўніка, яго прадстаўніка, а таксама дакументы, якія пацвярджаюць паўнамоцтвы прадстаўніка заяўніка;
• звароты змяшчаюць пытанні, вырашэнне якіх не адносіцца да кампетэнцыі Дэпартамента;
• заяўніку падчас асабістага прыёму ўжо быў дадзены вычарпальны адказ на пытанні, якія яго цікавяць, або перапіска з гэтым заяўнікам па такіх пытаннях была спынена;
• заяўнік падчас асабістага прыёму дапускае ўжыванне нецэнзурных альбо абразлівых слоў ці выразаў.

Рашэнне РУП “Беларускія латарэі” па звароце можа быць абскарджана ва Кіраўніцтве справамі Прэзідэнта Рэспублікі Беларусь

---

Вышэйстаячая арганізацыя:
Кіраўніцтва справамі Прэзідэнта Рэспублікі Беларусь

220016, г.Мінск, вул.К.Маркса,38
Тэл./факс: +375 17 222-35-56
Рэжым працы: пн.-пт. 09:00 – 18:00